Áfangi

Í dag rann upp sá dagur að öll börnin mín hafa nú sungið inn á geisladiska.



Siggi var upptökumaðurinn.


Og Gylfi og Harpa voru að syngja......


........í einu lagi á nýrri plötu Ljótu hálfvitanna.


Siggi hefur auðvitað sungið og spilað inná fleiri hljómdiska en ég hef tölu á.
Guðmundur hefur sömuleiðis sungið og spilað inn á nokkra, en ferillinn hófst þegar hann og Hreinn Gunnar sungu báðir ásamt fleiri krökkum inn á diskinn Hemmi og Rúnar syngja fyrir börnin (minnir mig að hann heiti).
Og nú hafa þau yngstu bæst í hóp söngvara í fjölskyldunni. Enda var haft á orði í studíóinu í dag að ég ætti að stofna svona Jackson five Íslands ......... hahaha Siggi tók ekki vel í þá hugmynd !!!!!

Vel heppnað koramot.

Kóramótið 2007 var haldið í Ráðhúsinu í Reykjavík á laugardaginn var.

Raddir Reykjavíkur - kór starfsmanna Reykjavíkurborgar hóf leikinn og var að syngja opinberlega eiginlega í fyrsta sinn. Kórinn stóð sig frábærlega vel. Júlíus Vífill Ingvarsson söng eitt einsöngslag með kórnum.


Brokkkórinn - kór hestamanna á Reykjavíkursvæðinu söng nokkur lög og það er sko kraftur í þeim, enda orðinn stór og öflugur hópur.


Krakkakór Grafarvogskirkju og Barnakór Landakotsskóla sungu saman nokkur lög og "slóu í gegn" eins og maðurinn sagði :)


Kyrjukórinn - kvennakór úr Þorlákshöfn. Þrátt fyrir að vera ekki fjölmennur kór sungu þær alveg prýðilega.


Gestakór var Sönghópur Ingveldar Ýrar og hún sjálf söng einsöng.
Þegar allir hóparnir voru búnir að koma sér fyrir í lokin, taldist mér vera um það bil 115 manns á sviðinu. Og það var slatti af fólki að hlusta líka. Hljóðfæraleikarar voru Hjörtur Ingvi á píanó, Guðmundur Óskar á rafbassa og Magnús á slagverk.

Þetta er alltaf jafngaman fyrir kórfólkið mitt að hafa svona "hitting" á vorin og þessvegna er þessi uppákoma komin til að vera í vetrarstarfi mínu með skemmtilegu söngelsku fólki. Vonandi fjölgar bara frekar en fækkar í glæsihópnum mínum.

Frabær leiksyning !

Ég fór í leikhús á Akranesi í gær.
Krakkar í 9. bekk sýndu frábæran söngleik. Hann gerist í skipi á leið frá Evrópu til Ameríku (fyrirheitna landsins eða Draumalandsins) þar sem fjórar fjölskyldur frá Íslandi, Svíþjóð, Ítalíu og Tyrklandi eru að leita betra lífs fyrir westan!!!
Drífið ykkur að sjá þetta frábæra stykki.
Til hamingju Garðaskóli !!!

Kuba - Kuba - Kubabanana !!!!

Vitið þið að Kúba er bara æðisleg !!! ???
Lentum í Kef kl 5 í morgun eftir 9 daga ferðalag.
Það var rosalega gaman, forvitnilegt að skoða allt þarna.
Ferðin var skipulögð fyrir tónlistarskólakennara en það var bara tvennt sem hópurinn gerði saman. Annað var að fara á æfingu hjá Fílharmoníuhljómsveit Havanaborgar og hitt var heimsókn á skólaskrifstofu allrar listkennslu og heimsókn í einn af tónlistarskólum í borginni. Í þeim skóla eru nemendur frá 7 - 14 ára og eru þeir teknir inn eftir inntökupróf. Áður hafa öll börn fengið tónlistarkennslu í leikskólum og yngri bekkjum grunnskólanna a.m.k. einn tíma á DAG. Þessir tónlistarskólar sem hafa inntökupróf eru mjög prófessional en þau börn sem ekki komast inn geta sótt annarskonar skóla í sínu hverfi svokallað Musichouse. Í þessari heimsókn fengum við að heyra tónfund!!!! nokkrir nemendur léku þarna af mikilli snilld fyrir okkur. Þetta sýndi sennilega getu bestu nemendanna - en ég hefði sko verið til í að sjá yngri nemendur líka og ekki síst fara í kennslustund !! Tónleikunum lauk með kórsöng - en allir nemendur syngja í kór líka - og stjórnandinn var 14 ára stúlka - alveg frábær :) :)

Þegar við vorum á æfingunni hjá Fílharmoníunni kom fram að þau voru að æfa fyrir opnunartónleika America Cantat sem vera áttu á föstudagskvöldið. Ég spurði hvort við mættum koma á tónleikana og var það fúslega veitt. Við fórum samt bara tvær, ég og Auður söngkona. Eftir tónleikana hitti ég konu og spurði hana út í þetta festival og hún gaf mér upp nafn á ráðstefnuhúsi þar sem allt færi í gang næsta morgun kl 9. Ég náttúrlega lét ekki segja mér það tvisvar, heldur tók leigubíl þangað um morguninn og skráði mig á þetta kóramót !!!!! Fór inn í marga sali þar sem verið var að æfa allskonar músík og krækti mér í nótur !!!

Þarna voru kórar víða að frá Suður-Ameríku, en líka voru kórar frá Noregi, Danmörku, Svíþjóð, Þýzkalandi og Sviss. Á einum tónliekunum sem ég fór á, sá ég íslenskt lag á prógraminu hjá þessum kór frá Sviss. Þegar þau komu fram voru tónleikarnir orðnir ansi langir og kórstjórinn ákvað að stytta prógramið og stiklaði yfir nokkur lög - þar á meðal það íslenska !!! :( :(
Tvö seinustu lögin voru gospellög og fólk klappaði rosalega vel - þá sagði stjórinn: Ég ætla að róa ykkur niður og við syngjum hérna lag frá Íslandi !!!! Og svo byrjuðu stúlkurnar...........Heyr, himnasmiður... og þær gerðu þetta voða vel :) :)

Ég heyrði líka í einum Dönskum kór sem var alveg ágætur - en hitt voru allt kórar þarna frá löndum suður-ameríku.

Það sem við gerðum annað, var að fara í skoðunarferð um gömlu Havanaborg sem var mjög fróðlegt, svo fórum við í jeppa-safarí sem var rosalega gaman. Þar synti ég í vatni sem var inni í helli - alveg rosalega tært og sást vel hve djúpt það var á köflum. Svo sigldum við upp á og fórum þar á Jetsky með miklu fjöri og miklum hraða.

Á eftir að hlaða inn myndum :) kemur seinna.

Mæli með Kúbu.

Frumburðurinn a afmæli i dag !

Og á næsta ári á hann stórafmæli !!!
Sem þýðir að hann fæddist árið 1978.

Og Hjálmar hittust allir í gær í stúdíóinu og tóku upp lag :)
Svo ætla þeir að spila tónleika á Akureyri annað kvöld
og á Nasa á laugardaginn. Svo verður spennandi að
sjá hvort meira framhald verður á hjá þeim :)

Dagur 4

10.mars 2007

Fyrst fór ég kl 8.30 að hlusta á umræður um "show choirs" en ekki mikið á því að græða fyrir íslending þar sem svoleiðis fyrirbæri þekkist varla. En þó var eitt: að skipta vetrinum á milli klassískra kórverka fyrir áramót og léttari tónlistar eftir áramót. Þannig fengju krakkarnir að þjálfa klassíska raddbeytingu og nota tæknina áfram eftir jól þrátt fyrir aðra raddbeytingu í "pop og söngleikjatónlist".
Kíkti svo á “básana” og sá CHIMES !!! ☺ Tvær áttundir í tösku. Ég gekk nú um og hugsaði – og bara jákvætt – fór svo og keypti töskuna !!! Krakkarnir í kirkjunni hljóta að verða ánægðir með þetta hljóðfæri ☺ en það var það sem þau báðu mig að kaupa í Ameríkunni: Nýtt hljóðfæri !!

Svo þurfti ég að dröslast með þessa þungu tösku út um allt !!

Næst fór ég að hlusta á tónlist eftir Kirke Machem. Þarna var kór frá Illinois University sem söng verk eftir hann alveg frá 1970 til dagsins í dag. Og tónskáldið talaði um verkin inn á milli.

Næst á dagskránni voru heiðurskórarnir. Þeir voru þrír að þessu sinni: Barnakór, Highschool kór og Fjölmenningar kór.
Í barnakórnum voru 275 börn og stjórnandi var Jean Arshworth Bartle. Þessi börn voru valin úr 1400 umsækjendum og voru búin að læra lögin heima áður en þau komu til Miami. Á prógraminu voru háklassísk verk og rosalega vel flutt !!!

Stjórnandi eldri krakkanna heitir Bruce Rogers og hefur hann hlotið margar viðurkenningar og meðal annars var hann kosinn besti kórstjórinn í Varna í Búlgaríu í fyrra.
Þessi kór var álíka stór og yngri hópurinn og söng frábærlega.

Fjölmenningarkórinn taldi um 300 ungmenni. Stjórnendur voru tveir, Rollo Dilworth og Francisco J. Núnez og eru þeir báðir líka tónskáld. Lögin sem þessi hópur flutti voru öll ný – og samin jafnvel sérstaklega fyrir þessa tónleika. Það er sko á nokkurra ára (ráðstefnu) fresti sem svona hópur fær að syngja. Við fengum tækifæri til að heyra tónskáldin sjálf segja frá lögunum sínum morguninn áður og það var mjög fróðlegt. Sérstaklega var gaman að sjá hann David Fanshawe, sem m.a. samdi African Sanctus. Hann er sniðugur karl og skemmtilegur og langar til að nýja verkið hans Pacific Song verði flutt á Íslandi – þá ætlar hann að koma. Ég talaði við hann og lét hann árita bókina og diskinn sem ég keypti.

Eftir stóru tónleikana var ein session eftir af kórtónleikum hjá mér. Byrjaði á drengjakór frá Amarillo í Texas - ekkert spes og hallærislegt að stjórnandinn söng altröddina í Pie Jesu eftir A.L. Webber með einum kórdreng.
Þegar hérna var komið við sögu var þolinmæðin fyrir meiri kórsöng þrotin og konan orðin lúin og langaði smá til að skreppa á ströndina. Svo nú var arkað heim á hótel með þungan farangur, farið í strandföt og henst niður á strönd, sem var bara hinum megin við götuna frá hótelinu. En ekki var hitanum fyrir að fara, enda klukkan farin að ganga 5.

Borðaði á hótelinu um kvöldið og pakkaði niður og gat ekki einu sinni bloggað fyrir þreytu.

Dagur 3

Jæja, það skeði þá í morgun að ég svaf of lengi. Vaknaði kl 7.30 og mætti því of seint á fyrstu tónleika dagsins !!!!
Ég var orðin svo þreytt í gærkvöldi að ég svaf líka bara í alla nótt !!!

Og vitiði hvað - það hlýnar hérna með hverjum deginum. Ekki var samt sól eftir hádegið í dag - en svakalega hlýtt.

Já, þá er best að gera grein fyrir deginum - og hefst nú lesturinn !!!!

Dagurinn hófst með tónleikum í Jackie Gleason salnum.
Ég missti af fyrsta kórnum,

Svo var stúlknakór:

Úffff það er aldrei tími til að klára þetta blogg...........
Verð að bæta inní seinna.

Núna er klukkan 23.15 og ég að koma heim á hótel af enn einum tónleikunum :)
Meira um það seinna.
Fékk mér að borða hér á hótelinu áður en ég fór - lax - sem var alveg ágætur :)

Og núna er mér sko illt í fótunum !!! Ég hlýt að vera orðin gömul - hætt að þola labb og miklar setur !!!

Meira á morgun. . . . . sofa núna . . .

Dagur 2

Eitthvað var óreglulegur svefninn í nótt - held ég hafi verið hrædd um að sofa yfir mig.
En það gerir maður ekki á svona ráðstefnum !!!

Ég var komin labbandi vel fyrir klukkan 8 á réttan stað, búin að stoppa í bakaríi og kaupa ávaxtakokteil - eins og í gær, namm.

Fyrsta kennslustundin var að lesa í gegn fullt af lögum fyrir barnakór. Flestir í salnum hafa líka sofið illa og ekki verið búnir að hita upp, því söngurinn var ekki uppá marga fiskana !!! En músíkin er góð - svona flest lögin allavega.
Mikið þyrftum við að vera dugleg heima að búa til íslenska texta og gefa út. Held bara að Skálholtsútgáfan sé sofnuð á verðinum!!! Eða kannski er það nýi "stöngsálamjórinn" sem á að sjá um útgáfur fyrir barnakóra - en hvernig ætli það verði nú???

Jæja, næst fór ég í umræðuhóp um kvennakóra. Það var nokkuð fróðlegt get ég sagt ykkur, ekki bara fyrir kvennakóra heldur bara alla kóra. Það var aðallega rætt um uppstillingar kóra, prófað að breyta því hvar fólk stendur og að heyra muninn á hljómnum var mjög fróðlegt. Tók upp á ipodinn þennan hluta :)

Þegar ég var að rölta um sýningarsvæðið, kom John Jacobson hlaupandi til mín og sagðist þurfa að tala við mig !!! Ertu með kreditkort sem þú átt ekki? spurði hann. Ég góndi á manninn!!!!! HA???? fór í veskið og viti menn.....þarna var kreditkort sem ég þekkti engin deili á. "Það var þannig í gærkvöldi eftir að þú fórst af veitingastaðnum, þá uppgötvast að þú hafðir fengið afhent kort sem annar aðili átti. Starfsfólkið tók eftir því að við töluðum saman, svo ég var spurður hver þú værir. Og nú get ég hringt í strák-greyið sem á þetta kort". Og framhaldið er að ég fór á veitingastaðinn og skipti kortunum - og búið - ekki einu sinni AFSAKIÐ - bara takk :(

Svo kíkti ég í búðir og keypti eitthvað smá handa litlu krökkunum mínum. Ætlaði á ströndina smá stund, en þá var dregið fyrir sólu (hún hræðist mig skiljiði). Svo núna ætla ég að fara að rölta aftur í ráðstefnuhúsið (annars er ég með blöðrur á báðum fótum !!!!) og halda áfram að hlusta og horfa :)

Meira seinna í kvöld.

Dagur 1 a ACDA

Jæja, þá er fyrsti dagur ráðstefnunnar komin að kveldi.

Ég labbaði í Miami Beach Convention Center klukkan rúmlega 7 í morgun.
Þaðan voru rútur yfir á meginlandið - í Carnival Center og fyrstu tónleikar ráðstefnunnar hófust kl 8.
Nánari dagskrá seinna - en þetta var alveg frábært.

Svo voru rútur til baka og dagskráin hélt áfram - opnað var inn í sölu/sýningabásana og svo var farið að hlusta á umræður t.d. um svokallaða Comunity choirs - hvernig hægt er að halda þeim gangandi. Og vitiði hvað? það er sama vandamálið hér og heima - "hvar eru karlmennirnir ??"
Svo tók bara eitt við af öðru - nema ég náði nokkrum mínútum úti í sólinni í hádeginu :) unaðslega hlýtt og notalegt :)
Margir kóranna voru hreint frábærir en uppúr stendur að fá loksins að sjá og heyra Swingle Singers sem ég hef dáð í mörg ár.

Seinustu tónleikarnir í dag (hjá mér) hófust kl 6. Það voru nokkrir alþjóðlegir kórar, t.d. Filipiskur kór héðan frá Bandaríkjunum, Ungdómskór frá Indónesíu, Drengjakór frá Afríku og lítill blandaður kór (16manns) frá Svíþjóð.

Eftir þessa tónleika fór ég á labbið - enda dagurinn búinn hjá mínu "liði" svo ég gekk fram á skemmtilega göngugötu, fann eplabúð (og keypti i-pod) settist og fékk mér að borða og hvern haldiði að ég hafi séð þar? John Jacobson - manninn sem á America Sings! festivalið sem ég fór á í Washington 1999. Ég náttúrlega fór og heilsaði honum og hann kynnti mig fyrir fólkinu sem hann var með, en þau eru frá Hal Leonard útgáfufyrirtækinu. Hann bað mig að kíkja við í básnum þeirra og fá heimilisfangið hans (ég ætla að senda honum cd með stúlknakórnum !!).

Jæja, svo gekk ég heim á hótel í rólegheitunum - mikið hlýtt og gott úti og yndislegt að rölta hérna um.
Nú er kominn háttatími (þó fyrr hafi verið - myndi amma hafa sagt) svo ég skrifa meira á morgun.

Læt fylgja með nokkrar myndir.
BÆ

Í Florida

Já, haldiði ekki að ég sé komin til Miami í Flórída í fyrsta sinn á ævinni og það alein !!!

Hér hefst mikil ráðstefna bandarískra kórstjóra strax í fyrramálið kl 8 með tónleikum.
Svo verða næstu fjórir dagar þannig - kórtónleikar, lestrartímar og fyrirlestrar allan daginn
langt fram á kvöld.

Mér líst voða vel á staðinn hérna - sól og fólk almennt strandfataklætt.
Það er frekar óþægilegt að fá ekki herbergið sitt strax þegar maður kemur.
Ég er bara í ferðafötum - og fæ ekki herbergið fyrr en um 4 leitið.
Svo ég er búin að labba hérna fram og aftur (síðan rétt fyrir hádegi).
Finna ráðstefnuhöllina þar sem ég á að mæta í fyrramálið og kíkja í nokkrar búðir :)

En nú hlýtur herbergið að fara að verða tilbúið, svo ég ætla að hætta núna.
Þið fáið fleiri fréttir seinna :)

Bæ bæ.

Sonur nr. 2 er orðinn 20 ara !

Ég er alveg hætt að botna í því hvað börnin manns eldast,
eins og ég er alltaf bara 29 (held ég - he he).

Til hamingju með afmælið elsku Guðmundur Óskar minn :)

Ætli maður sé ekki bara á leið á árshátíð með starfsfólki og kór Grafarvogskirkju.
Haldin í Rúgbrauðsgerðinni - fínn matur - kórfélagar sennilega með einhver skemmtiatrið og kannski prestar líka ???
Segi ykkur frá því á morgun - ja, eða hinn.

En um síðustu helgi fór kella til Akureyrar - svona í tilefni af afmælinu þann 17. feb.
Hvað haldið þið að hún hafi fengið í afmælisgjöf ??? ORGELTÓNLEIKA í Akureyrarkirkju !!!
Ja, - ég segi nú svona. Þetta voru óskalagatónleikar hjá honum Eyþóri Inga - og aldreilis voru þeir skemmtilegir.
Margt fólk að hlusta líka - ólík öðrum orgeltónleikum sem maður veit um !!!
Þarna spilaði snillingurinn allt frá diskói til Bach's með viðkomu t.d. í íslenskum þjóðlögum (sem voru óskalögin mín !!!)
Veðrið á Norðurlandinu var yndislegt svo mín tók það bara rólega, rúntaði um sveitina og bæinn og slakaði á :)

En nú er tími til að fara að drífa sig í Rúgbrauðsgerðina. Komin í jólakjólinn - búin að setja upp andlitið og fara í gullskóna.
Hafið það gott þangað til næst.

LETI-bloggari

Jæja, kannski ég drattist í að skrifa.

Mamma mín átti afmælii á föstudaginn 9. febrúar og varð 70 ára.
Hún bauð öllum sem vildu koma í kaffi í gær, laugardag og var
sjálf búin að baka þvílíkt mikið af rjómatertum og marenstertum.
Svo gerðum við Sirrý mágkona eitthvað smávegis og hjálpuðum
til við að skreyta brauðtertur. Þetta heppnaðist mjög vel og var
voða gaman að hitta ættingja og vini hennar mömmu.

Eignast vonandi myndir fjótlega :)

Siggi minn er að fara til USA núna á eftir. Hann ætlar til New Orleans
að heimsækja vin sinn og þeir verða á tónlistarhátíð þar um næstu helgi.
Hann verður úti í 4 vikur - og við komum fjúgandi heim saman 11. mars.
Ég fer til Miami 5.mars á ráðstefnu kórstjórnenda í Bandaríkjunum ACDA.

Hef farið nokkrum sinnum á þessa ráðstefnu, síðast í Los Angeles fyrir
tveimur árum. Þarna heyrir maður í mörgum frábærum kórum,
hittir kórstjóra og les mikið af nýrri/nýlega útgefinni tónlist.
Magnað að ég skuli vera eini íslenski kórstjórinn sem fer
á þessar ráðstefnur !!! Hver vill koma með mér ????? hehe.

Fyrsta árið mitt á sextugsaldrinum er að verða búið.
Dagurinn er 17.febrúar - og þetta árið verður honum eytt
norður á Akureyri í rólegheitum.

Hafið það alltaf gott :) og njótið lífsins - eins og ég - hehe :):)

Pennaleti a nyja arinu !!!

Maður þarf nú að fara að skammast sín fyrir pennaletina.
En fyrst ætla ég að óska öllum mikillar gleði allt komandi ár.
Megi allar góðar vættir vera með ykkur öllum.

Nú er allt tónlistarstarf komið á rétt ról eftir jólin.
Kórarnir farnir að æfa á fullu. Stefnan sett hjá sumum
að syngja á þorrablótum - en annars bara hugað
að "kóramóti Gróu-kóranna" í vor.
Vonandi verður það í Reykjavík - hugsanlega
í Ráðhúsinu bara :)

Hreinn Gunnar ákvað að fara ekki í skóla á vorönninni.
Hann er komin með hestadellu núna. Nú vinnur hann til
kl 6 á daginn og fer svo í hesthúsið og kemur heim milli
kl 10 og 11 á kvöldin. Hann er búinn að kaupa sér
hnakk og hest (eða meri) og er að vinna með vini sínum
að tamningum á hrossum. Þeir hafa heshús og reiðskemmu
á leigu í Mosfellsbæ. Hann er glaður með þetta þessi elska.

Guðmundur veit ekki ennþá hvort honum tekst að
ljúka stúdentsprófinu í vor. Hann á einhverjar leifar
eftir í nokkrum áföngum - og þarf að taka þær
í öldung eða utanskóla. Við bíðum og sjáum til :)

Þetta eru hlestu fréttir í bili.
Meira seinna (kannski ???)

Hafið það sem allra best.

Gleðilegt nyar !

Jólahátíðin fór friðsamlega fram á þessu heimili !
Öll börnin mín voru í mat á aðfangadagskvöld og auk þeirra var pabbi þeirra líka hér og einn vinur Sigga frá USA.




Mamman spilaði svo miðnæturmessu í Grafarvogskirkju og Guðmundur Óskar söng með Hamrahlíðarkórnum við miðnæturmessu í Dómkirkjunni.

Á jóladag var verið heima í náttfötunum langt fram á dag, en öllum var boðið í hangikjöt til mömmu og pabba kl 6.





Eftir hádegi á annan í jólum var svo skírnarmessa í Grafarvogi og börn úr öllum barnakórunum mættu til að syngja.
Þau eru bara yndisleg :) (þarf að eiga mynd af þeim!!)

Nú á að fara að leggja kalkúnann í pækil svo hann verði mjúkur og góður annað kvöld.
Þá á ég von á foreldrum mínum í mat í viðbót við heimilisfólkið mitt og vinkonu hans Sigga.
Þannig að það verður örugglega gaman á bænum.

Sendi öllum mínar bestu óskir um gleðilegt nýár !!

Jolin nalgast !

Og ég hélt að eftir æfingu hjá unglingakórnum í dag væri frí fram á jólanótt.
En nei - hringir ekki Davíð Ólafs og biður mig að spila með þeim Stefáni í Kastljósinu á morgun :)
Segir maður nei? Ekki aldeilis !!!
Svo maður verður að setja á sig spariandlitið - fara í fínu fötin - og spila eins og engill :) :)

Jólatréð ekki ennþá komið á sinn stað á þessu heimili.
Allir svo rólegir þótt jólin séu að koma eftir korter.

Skrapp með yngstu börnin í Kringluna í kvöld - en keypti ekkert nema gullfallega (gyllta) spariskó á sjálfa mig :)

Vonandi verður veðrið skaplegra á morgun svo við getum tekið labb á Laugaveginum.

Skrifa aftur seinna.
Sæl að sinni.

Ísland i bitið !

Jæja, þá er maður búinn að fara aftur í beina útsendingu á Stöð 2.

Þátturinn í morgun var sendur út að hluta til úr Grafarvogskirkju. Og ég og krakkakórinn vorum mætt "á settið" kl 6:45 !!!!
Krakkarnir sungu kl rúmlega hálf átta og voru rosa fín - held ég. Þau mættu nánast öll og sungu prýðilega - miðað við að vera farin að gala á undan hananum !!!
Svo var tekið pínulítið viðtal við mig og þrjá krakka úr kórnum.
Þetta var bara gaman :) :)

Svo á krakkakórinn að syngja í kirkjunni á sunnudaginn við messu.
Og á þriðjudaginn hefur kórinn verið beðinn að koma í eitt af fyrirtækjum borgarinnar til að skemmta starfsfólki :)
Og svo syngja þau við skírnarmessu á annan í jólum.

Já, það er vinna að vera í kirkjukór, þótt það sé bara barnakór !!!

Nýjasti kórinn, Kór starfsmanna Reykjavíkurborgar, söng í fyrsta sinn fyrir áheyrendur í gær, fimmtudaginn 14. des.
Það var á fundi hjá starfsmannafélaginu. Borgarstjórinn átti nú að vera þarna - en hann hefur víst mikið að gera og þurfti að yfirgefa samkvæmið áður en kórinn söng. Synd - fyrir hann !!!! sko borgarstjórann :) Jú, og kórinn líka auðvitað.
En móttökurnar voru fínar og allir höfðu gaman af :)

Jólatónleikar fyrir nemendur Tónskólans Do Re Mí sem stunda námið í Landakotsskóla voru í dag kl. 5 og voru ágætir. Nema það vantaði svolítið af krökkum - eins og oft gerist.
Svo voru jólatónleikar í Domus Vox líka í dag. Það var voða skemmtilegt. Nemendur sungu einir og svo voru dúettar, tríó, kvartettar og litlir sönghópar. Fínir tónleikar hjá þeim. Ég spilaði undir í nokkrum atriðum.

Svo var Guðmundur Óskar að spila á tónleikum í kvöld í Tjarnarbíói með Hjaltalín. Þau voru ein af þremur hljómsveitum sem hituðu upp fyrir Benna Hemm Hemm og stóðu sig vitanlega vel :) :) En af því ég vaknaði svo snemma, þá fór ég nú heim eftir að Hjaltalín var búin að spila - sorry !!! Og Harpa Sól var með mér og hún var líka svo sybbin litla stýrið.
En það var gaman að hitta þarna Karen og Bjössa. En Rebekka var ein af þeim sem spiluðu með Hjaltalín :)

Á morgun ætla ég í vinnuna !!!! Skrítið???
Nei ég ætla að vera að vinna seinnipartinn í kirkjunni.
Vitiði af hverju? Það er vegna þess að
Oslo Gospel Choir er með tónleika í kirkjunni.

Svona er nú gott að vinna í Grafarvogskirkju - he he he ! ! ! !

Skrifa ykkur meira seinna.
Góða nótt - og Guð geymi ykkur.

Buin að sækja Danmörku heim.

Jæja, þá er maður búinn að koma einu sinni enn til Kaupmannahafnar. Hún er alltaf jafn yndisleg :)
En það var ansi mikið af fólki á labbinu - stundum of mikið !!!

Ég fékk að fara í skólann með Ingibjörgu á miðvikudaginn. Skólinn heitir Complete Vocal Institut og er í miðborginni.
Þar hitti ég marga söngvara sem voru að klára eins árs diplom í þessum söngfræðum.
Fékk að hlusta á kennslustund sem Hulda Björk var í hjá henni Sadolin - það var rosalega flott upplifun, að heyra hvernig röddin hennar gjörbreyttist við tilsögnina. Yfirtónarnir gjörsamlega flæddu af þvílíku offorsi að eyrun áttu fullt í fangi með að meðtaka.

Tónleikarnir um kvöldið voru hreinasta unun. Allir söngvararnir stóðu sig afbragðs vel. Og íslenskur vinur sem var með mér á tónleikunum hafði orð á því, hvernig 300þús. manna þjóð gæti átt svona marga frambærilega söngvara sem raun ber vitni.
Þessi sami vinur ætlar að fylgjast náið með þessum söngskóla og þeim sem þaðan koma !!!!

Ég bjó í voða krúttlegri íbúð úti á Amager. Þið getið séð hana á www.houseofcolors.dk - en ég er nú ekki á myndunum !!! he he

Á fimmtudaginn, þegar við Ingibjörg vorum búnar að ganga okku upp að öxlum, kom Guðlaug frænka mín og sótti okkur niður í bæ. Fór með okkur heim til þeirra, hennar og Svenna og þau gáfu okkur yndislegan mat með öllu tilheyrandi. Svo keyrði hún okkur aftur út á Amager í íbúðina.

Ingibjörg mín fór heim á föstudagsmorguninn en ég rölti áfram um Köben, kíkti á matsölustaði og búðir og aðeins á krárnar. Ég þurfti aðeins að byrgja mig upp fyrir kveðjustundina. En svo gekk það áfallalaust fyrir sig að kveðja Kaupmannahöfn með því sem tilheyrir henni :)


Flugið gekk vel - nóg pláss í vélinni þannig að ég hafði 3 sæti og gat lagst :) Yngstu börnin voru svo mætt á flugvöllinn með pabba sínum að sækja mig. Það er alltaf gott að koma heim :)

Svo tók vinnan við strax á laugardagsmorguninn með því að Brokkkórinn söng á jólafundi hjá Parkinson-samtökunum. Og seinnipartinn var æfing á helgileik í Grafarvogskirkju, sem fluttur var í messu í morgun og gekk rosa vel.
Svo er aðventukvöld í kvöld kl 20.00. Heyrði í útvarpinu í morgun að borgarstjórinn á að tala á tveimur stöðum í kvöld, hjá okkur og hjá Pálma í Bústaðakirkju. Mér finnst þetta pínu hallærislegt, að ræðumaður skuli ekki sitja út athöfnina sem hann er að tala á !!!! En þetta var eitthvað klúður með bókun - annar talaði við aðstoðarmann borgarstjóra, sem bókaði hann, en var svo ekki búinn að segja honum frá því, þegar borgarstjórinn bókaði sig á hinn staðinn !!!! Klúður !!!!

Jæja, vinir og aðrir.......eigið þið góða aðventu......við kertaljós og glögg :)

Kveðja til ykkar allra (sem kíkja hér inn!!!)

Afmælisdagurinn hans pabba :)

Já, í dag á elsku pabbi minn afmæli. Það voru nú engar kökur hjá honum, því þau gömlu hjónin eru í henni Ameríku. Þau eru reyndar lögð af stað heim og lenda í Keflavík í fyrramálið. Búin að vera í rúmar 3 vikur að heimsækja góða vini.
Hjartanlega til hamingju með afmælið elsku pabbi :)

Ingibjörg vinkona var hjá mér í tvær nætur núna, en hún er flogin til Kaupmannahafnar til að klára námskeiðið sitt: Complete Vocal Tecnique. Og á miðvikudagskvöldið ætla ég á lokatónleikana og klappa mikið fyrir henni :) Ég sem sagt flýg út á þriðjudaginn um 4 leitið í eftirmiðdaginn. Það verður kærkomin tilbreyting svona rétt fyrir jólatraffikina.

Ég spilaði messu í dag í Víðistaðakirkju. Ekki voru nú margir kirkjugestirnir þar !!! En Siggi Skagfjörð söng og gerði það vel, eins og venjulega.
Í fyrrakvöld spilaði ég í Listasafni Reykjavíkur með Vox Femine í voða fínu matarboði hjá Háskólanum í Reykjavík.
Annars er búið að vera rólegt um helgina. Aðallega verið að sinna yngstu börnunum, fara með þau hingað og þangað.

Veit ekki hvort ég blogga meira fyrr en eftir Köben, svo ég segi bara: Hafið það sem allra best :)

Vetrarriki !

Jæja, þá skall veturinn á okkur eina ferðina enn. Og kom öllum að órvörum, segja allavega þeir sem selja dekk!!!
Allt í einu varð brjálað að gera á dekkjaverkstæðum. En það er satt, hann kom örlítið snemma. Stundum hefur maður ekki séð snjókorn fyrr en undir jól.

Hvað um það! Á þriðjudaginn fer mín til Köben í nokkra daga. Ég frestaði vetrarfríinu mínu í skólanum og tek það út í næstu viku. Ingibjörg mín ætlar að syngja á tónleikum, ásamt fleirum sem hafa verið í viðbótarsöngnámi. Og maður verður að styðja sína menn (því konur eru líka menn!) Svo verður nú eitthvað kíkt í bæinn, Strikið strikað út og suður og skoðað (allavega) í búðarglugga.

Litlu krúttin mín í Krakkakór Grafarvogskirkju, sungu við hátíðarmessu í kirkjunni s.l. sunnudag. Og ég fékk ekkert smá góða dóma frá fólki !!! Gaman að fá hrós fyrir vinnuna sína (ja, og kannski hæfileika til að vinna með börnum) !!!

Litli kórinn í Landakotsskóla er líka búinn að koma fram. Í Kristskirkju þegar haldið var upp á 120 ára afmæli skólans. Þau sungu fyrir fullri kirkju og meira að segja borgarstjórann og menntamálaráðherra. Og stóðu sig vel þessar elskur :)

Mikil deyfð er yfir kórastarfi í Álverinu :( Ekkert vitað hvernig það fer, en einhverjir eru ekki á því að gefast upp. En þar verður allavega ekki sungið núna á aðventunni. Hestamannakórinn er hins vegar að æfa fullt af jólalögum, svo og Kór starfsmanna Reykjavíkurborgar, en báðir þessir kórar hafa fengið gig í desember. Ein uppástunga hefur komið um nafn á kór borgarinnar: Raddir Reykjavíkur ! Hvað finnst ykkur?

Er að fara í Domus Vox núna í dag, að spila með ungum söngnemendum - voða skemmtilegt að fylgjast með þeim dafna.
Svo eru nokkur gig um helgina, m.a. með Gospelsystrum og að spila messu fyrir Úlrik í Víðistaðakirkju.
Svo fer ég að pakka niður fyrir Danmerkurferðina. Hvað ætli ég þurfi að hafa með mér?? Hvernig viðrar þar?

Já, þetta er gott í bili.
Hafið það sem allra best.



Hljómlistin lýsir því sem maður hvorki getur sagt né þagað yfir. (V.Hugo).